ខេត្តកំពង់ស្ពឺ៖ នគរបាលស្រុកភ្នំស្រួចឃាត់ខ្លួន មុខសញ្ញាគប់កញ្ចក់រថយន្តលើផ្លូវល្បឿនលឿន ខណៈដែលអ្នកធ្វើដំណើរដោយរថយន្ត ហើយត្រូវបានមុខសញ្ញាខាងលើយកដុំថ្មគប់ត្រូវរថយន្ត។ការឃាត់ខ្លួនមុខសញ្ញាខាងលើបានកាលពីរសៀលថ្ងៃទី០៥ ខែមេសាឆ្នាំ២០២៣ កំលាំងនគរបាលអធិការដ្ឋាននគរបាលស្រុកភ្នំស្រួចសហការឃាត់មុខសញ្ញាម្នាក់ជាជនអនាថា(វិបល្លាសស្មារតី)ភេទប្រុស អាយុប្រហែល៣០ឆ្នាំ មិនដឹងអាសយដ្ឋាននិងស្រុកកំណេីត នៅលេីផ្លូវល្បឿនលឿនចន្លោះគីឡូម៉ែត្រលេខ ៥៣-៥៤ ស្ថិតនៅភូមិត្រពាំងក្រឡឹង ឃុំគីរីវ័ន្ដ ស្រុកភ្នំស្រួច ខេត្ដកំពង់ស្ពឺ ។
តាមសេចក្ដីរាយការណ៍ពីសមត្ថកិច្ចនគរបាលនាយកដ្ឋានសណ្ដាប់ធ្នាប់សាធារណៈអគ្គស្នងដ្ឋាននគរបាលជាតិ ប្រចាំការនៅផ្លូវល្បឿនលឿនបានឲ្យដឹងថា មានម្ចាស់រថយន្តមួយគ្រឿង ម៉ាក ឡិចសុីស ពណ៌ទឹកមាស LX470 ផ្លាកលេខ ព្រៃវែង2C-3444 ជាកម្មសិទ្ធិរបស់ឈ្មោះ អ៊ុក សេងហុង ភេទប្រុស អាយុ៥១ឆ្នាំ រស់នៅភូមិទ័ពសៀម ឃុំកន្សោមអក ស្រុកកំពង់ត្របែក ខេត្ដព្រៃវែង ជាអ្នកបើកបររថយន្ដខាងលេី បានបញ្ជាក់ថា រថយន្តគាត់ បេីកបរក្នុងទិសដៅពីលិចឆ្ពោះទៅទិសខាងកេីតលុះមកដល់ចំណុចខាងលេី បានប្រទះឃេីញមនុស្សដែលសម្ងំឈរអែមនៅលេីផ្លូវល្បឿនលឿនសង្ស័យជាកម្មករផ្លូវល្បឿនលឿន ស្រាប់តែយកវត្ថុរឹងគ្រវែងមកលេីរថយន្ដរបស់គាត់កំពុងតែបេីកបរបណ្ដាលឲ្យឮសម្លេងផាំង(វត្ថុរឹង ដុំថ្ម ) ត្រូវចំចំណុចទ្វាទី២ផ្នែកក្រោយខាងស្ដាំ ខូចខាតកំពិត។
មជ្ឈដ្ឋានប្រជាពលរដ្ឋ បានលើកឡើងថា មនុស្សវិកលចរិកនៅក្នុងខេត្តកំពង់ស្ពឺមានច្រើនណាស់ គួរតែមន្ទីរសង្គមកិច្ចនិងអតីតយុទ្ធជនខេត្តកំពង់ស្ពឺ ពិនិត្យមើលនិងប្រមូលយកមនុស្សវិកលចរិកទាំងអស់នោះ ទៅដាក់នៅមណ្ឌលកែប្រែល ដើម្បីកុំឱ្យ មនុស្សវិកលចរិកទាំងអស់នោះធ្វើអំពើអ្វីមួយលើប្រជាពលរដ្ឋ បន្តទៅទៀតបច្ចុប្បន្នមុខសញ្ញាខាងលេីត្រូវបានសហការយកមកកាន់អធិការដ្ឋាននគរបាលស្រុកភ្នំស្រួចដេីម្បីសាកសួរនិងបន្ដតាមផ្លូវច្បាប់ និងធ្វើការ ស្រាវជ្រាវរកអាណាព្យាបាលក្រុមគ្រួសារទទួលខុសត្រូវលេីអំពេីដែលបង្កឲ្យមានមហន្ដរាយបះពាល់ដល់សណ្ដាប់ធ្នាប់សាធារណៈសង្គម៕
No comments:
Post a Comment