ខេត្តកណ្ដាល ៖ លោក ងី សាវី ម្ចាស់សំណង់រឹងមាំ១ កន្លែង កំពុងត្រូវបានសាងសង់ឡើង រំលោភលើដីច្រាំងទន្លេមេគង្គ ត្រង់ចំណុចភូមិព្រែកតូច ឃុំព្រែកទម្លាប់ ស្រុកលើកដែក ខេត្តកណ្ដាល ដោយម្ចាស់សំណង់បានបុកគ្រឹះរៀបខឿនចូលដល់ទឹកទន្លេ ដើម្បីទប់ដីកុំឲ្យបាក់ស្រុត និងកំពុងបន្តបណ្ដុះសសរឡើង ដើម្បីរៀបធ្វើជាផ្ទះដោយអត់មានអ្នកណាហ៊ានដេញទេ ។
ពលរដ្ឋនៅក្បែរទីតាំងនោះ បានឲ្យដឹងថា ម្ចាស់ទីតាំងសំណង់នេះ គឺជាលោក ងី សាវី មេឃុំព្រែកទម្លាប់ ហើយសំណង់នេះគាត់ធ្វើជាផ្ទះលំហែរសម្រាប់សម្រាកកំសាន្តពេលទំនេរពីការងារ។ ពិតជាអ្នកមានអំណាចមែន…អំណាចលុយ…អំណាចម្ចាស់ស្រុក។ ។លោក ងី សាវី មេឃុំព្រែកទម្លាប់បដិសេធថា សំណង់នេះមិនមែនជារបស់លោកទេ តែជារបស់មិត្តភក្កិលោក ហើយនៅពេលសួរថាតើមិត្តភក្តិនោះជានរណា? ឈ្មោះអ្វី? លោកមេឃុំមិនព្រមប្រាប់ ដោយលើកឡើងថា ចង់ដឹងធ្វើអ្វី? ។
ជុំវិញការសាងសង់សំណង់ រំលោភលើដីច្រាំងទន្លេចំណីទន្លេនេះ លោក ងី សាវី មេឃុំព្រែកទម្លាប់បានបញ្ជាក់ថា គ្មានអាជ្ញាធរណាមួយហ៊ានចេញច្បាប់អនុញ្ញាតនោះទេ សូម្បីរូបលោកផ្ទាល់ក៏មិនបានអនុញ្ញាតដែរ ប៉ុន្តែលោកក៏មិនបានហាមឃាត់ដែរ ដោយគ្រាន់តែណែនាំឲ្យម្ចាស់សំណង់ ធ្វើយ៉ាងណាកុំឲ្យប៉ះពាល់ដល់ទឹកទន្លេ និងច្រាំងទន្លេ។ រីឯមូលហេតុដែលលោកមិនហាមឃាត់នោះ លោកបានអះអាងថា គ្រាន់តែគេធ្វើជាផ្ទះលំហែប៉ុណ្ណឹង វាពុំមានអ្វីខុសច្បាប់នោះទេ។ប៉ុន្តែអ្វីដែលសួរឲ្យកត់សម្គាល់នោះ គឺលោកមេឃុំព្រែកទម្លាប់ មិនត្រឹមតែមិនហាមឃាត់គេ កុំឲ្យសង់សំណង់រំលោភដីច្រាំងទន្លេហើយនោះ បែរជាមកគំរាមរកប្ដឹងអ្នកព័ត៌មាន បើសិនហ៊ានផ្សាយព័ត៌មាននេះថែមទៀត តើម្ចាស់សំណង់មួយនេះជានរណា? មានបុណ្យសក្ត័និងអំណាចប៉ុណ្ណា? ទើបអាចធ្វើឲ្យលោកមេឃុំព្រែកទម្លាប់ ហ៊ានចេញមុខការពារដល់ថ្នាក់នេះ។
គួរបញ្ជាក់ផងដែរថា កាលពីពេលកន្លងទៅ សម្ដេចអគ្គមហាសេនាបតីតេជោ ហ៊ុន សែន កាលនៅជានាយករដ្ឋមន្ត្រី ធ្លាប់បានចេញបទបញ្ជាឲ្យអាជ្ញាធរមូលដ្ឋានគ្រប់ជាន់ថ្នាក់ទាំងអស់ ត្រូវការពារដីសាធារណៈរបស់រដ្ឋ ដូចជាដីបឹងព្រែកទន្លេដីចំណីផ្លូវជាដើម គឺដាច់ខាតមិនឱ្យមានការរំលោភយកពីសំណាក់បុគ្គលណាឡើយ មកដល់ពេលនេះកន្លងទៅច្រើនឆ្នាំដែរហើយ ទំនងជាអាជ្ញាធរស្រុកលើកដែក ភ្លេចបទបញ្ជានេះអស់ហើយមើលទៅ៕
បើយោងតាមអនុក្រឹត្យលេខ៩៨ អនក្រ.បក ចុះថ្ងៃទី២៤ ខែកក្កដា ឆ្នាំ២០១៥ ការកាន់កាប់ដីដែលជាប់តំបន់ច្រាំង ឬឆ្នេរ មិនខុសច្បាប់ទេ ប៉ុន្តែត្រូវកាន់កាប់ស្ថិតលើរយៈចម្ងាយតាមច្បាប់ដែលបានចែងដូចខាងក្រោម៖។*ឆ្នេរ និងពាមសមុទ្រ៖ ចម្ងាយលើសពី១០០ ម៉ែត្រ គិតពីមាត់ឆ្នេរ និងមាត់ពាម (ពេលទឹកជោរអតិបរមា)។(ទន្លេ) ចម្ងាយលើសពី៥០ ម៉ែត្រ គិតពីមាត់ច្រាំងទន្លេុ*ស្ទឹង៖ ចម្ងាយលើសពី៣០ ម៉ែត្រ គិតពីមាត់ច្រាំងស្ទឹង។(ព្រែក) ចម្ងាយលើសពី២០ ម៉ែត្រ គិតពីមាត់ច្រាំងព្រែក។(អូរ) ចម្ងាយលើសពី១០ ម៉ែត្រ គិតពីមាត់ច្រាំងអូរ។(ប្រឡាយមេ) ចម្ងាយលើសពី១០ ម៉ែត្រ គិតពីជើងទេរភ្លឺប្រឡាយផ្នែកខាងក្រៅ។(ប្រឡាយរង) ចម្ងាយលើសពី៥ ម៉ែត្រ គិតពីជើងទេរភ្លឺប្រឡាយផ្នែកខាងក្រៅ។(ប្រឡាយស្រោចស្រព) ចម្ងាយលើសពី៣ ម៉ែត្រ គិតពីជើងទេរភ្លឺប្រឡាយផ្នែកខាងក្រៅ។
(អាងទឹក) ចម្ងាយលើសពី១០០ ម៉ែត្រ គិតពីក្រិតកម្ពស់ទឹកអតិបរមា ដែលបានតម្កល់នៅក្នុងអាងទឹក។(បឹងបួ) ចម្ងាយលើសពី៥០ ម៉ែត្រ គិតពីក្រិតកម្ពស់ទឹកអតិបរមា ដែលបានតម្កល់នៅក្នុងអាងទឹក។(ទំនប់អាងទឹក) ចម្ងាយ២០ ម៉ែត្រ គិតពីជើងទេរផ្នែកខាងក្រោមទំនប់អាងទឹក ដែលមានកម្ពស់តិចជាង៤ ម៉ែត្រ។ ចម្ងាយ១០០ម៉ែត្រ គិតពី ជើងទេរផ្នែកខាងក្រោមទំនប់អាងទឹក ដែលមានកម្ពស់ពី៤ ម៉ែត្រ ទៅ៨ម៉ែត្រ។មហាជននៅក្នុងឃុំព្រែកទន្លាប់ ស្រុកលើកដែក កំពុងរង់ចាំមើលចំណាត់ការ របស់លោកគួច ចំរើន ចៅហ្វាយខេត្តកណ្តាល និងមានវិធានការបែបណា ចំពោះសង់សំណង់ រំលោភលើដីច្រាំងទន្លេចំណីខាងលើនេះ។
No comments:
Post a Comment