ភ្នំពេញ÷ជនសង្ស័យ មានឈ្មោះ ល.ស.ហ បានទទួលប្រាក់ពីគណនីធនាគាររបស់ជនរងគ្រោះ ហើយធ្វើការផ្ទេរប្រាក់បន្តទៅជនមិនស្គាល់អត្តសញ្ញាណច្បាស់លាស់ដែលជាបក្ខពួករបស់ខ្លួន ដោយទទួលបាននូវផលកម្រៃពីអំពើឆបោកប្រាក់។ បក្ខពួករបស់ខ្លួនបានប្រាក់ទាំងនោះពីការលួចគណនីហ្វេសប៊ុកអ្នកដទៃ ហេីយបោកឱ្យសាច់ញាតិ ឬមិត្តភក្តិម្ចាស់ហ្វេសប៊ុកផ្ញេីរលុយឱ្យ។
ជនសង្ស័យខាងលើ ក៏ត្រូវបានរកឃើញថា ជាអ្នកធ្វើសកម្មភាពក្លែងអត្តសញ្ញាណប័ណ្ណអ្នកដទៃ ដេីម្បីទិញស៊ីមកាតបានប្រហែល ១,០០០ស៊ីមកាតកាលពីឆ្នាំ២០២២ ដើម្បីយកទៅឲ្យជនអនាមិកប្រព្រឹត្តបទល្មើសផ្សេងៗ។បច្ចុប្បន្នជនសង្ស័យខាងលើ ត្រូវបាននាយកដ្ឋានប្រឆាំងបទល្មើសបច្ចេកវិទ្យា កសាងសំណុំរឿងបញ្ជូនទៅកាន់អយ្យការអមសាលាដំបូងរាជធានីភ្នំពេញ ដើម្បីចាត់ការតាមផ្លូវច្បាប់។
នាយកដ្ឋានប្រឆាំងបទល្មើសបច្ចេកវិទ្យ ក្រើនរំឭកដល់សាធារណជនឱ្យប្រុងប្រយ័ត្ន។ មុននឹងធ្វើការផ្ទេរប្រាក់ទៅកាន់គណនីធនាគារណាមួយ សូមពិនិត្យឲ្យបានជាក់លាក់ នូវគណនីធនាគារអ្នកទទួល និងធ្វើការបញ្ជាក់ពីម្ចាស់គណនីទទួលប្រាក់ផងដែរ ជៀសវាងការខាតបង់ផលប្រយោជន៍ផ្សេងៗដោយប្រការណាមួយ។
No comments:
Post a Comment