រោងចក្របារី សង្ស័យគ្មានច្បាប់អនុញ្ញាតិ នៅក្នុងសង្កាត់សិត្បូរ កំពុងតែ បង្កផលប៉ះពាល់ដល់ប្រជាពលរដ្ឋ ខណះអាជ្ញាធរពាក់ព័ន្ធ នាំគ្នារក្សាភាពស្ងៀមស្ងាត់ -

កណ្តាល៖ ប្រជាពលរដ្ឋ រស់នៅក្នុងភូមិព្រែកតាព្រីង សង្កាត់សិត្បូ ក្រុងតាខ្មៅ ខេត្តកណ្ដាល បាននាំគ្នារអ៊ូរទាំ និងសម្ដែងការព្រួយបារម្ភ ចំពោះបញ្ហាសុខាភាព របស់ពួកគាត់ ដែលបណ្ដាលមកពីការរងផលប៉ះពាល់ សាយភាយក្លិន មិនល្អ ចេញពីរោងចក្របារី មួយកន្លែង នៅចំនុច ភូមិព្រែកតាព្រីង សង្កាត់សិត្បូ ក្រុងតាខ្មៅ ខេត្តកណ្ដាល ដែលគ្មានផ្លាកយីហោច្បាស់លាស់ ដែលគេសង្ស័យថាគ្មានច្បាប់ការអនុញាតិពីក្រសួងពាក់ព័ន្ធ ។

ប្រជាពលរដ្ឋបានប្រាប់ក្រុមអ្នកសារព័ត៌មានជាបន្តបន្ទាប់ ពីករណីរោងចក្របារីខាងលើ
នេះ បានកើតឡើងជាច្រើនឆ្នាំណាស់ មកហើយ ប៉ុន្តែអាជ្ញាធរពាក់ព័ន្ធ គ្មានការអើពើ និងនាំគ្នារក្សាភាពស្ងៀមស្ងាត់ទៅវិញ ដោយទង្វើនិងសកម្មនេះគេបានដាក់ការសង្ស័យថា? ទំនងអស់លោកអាជ្ញាធរពាក់ព័ន្ធ អាចនិងត្រូវថ្នាំសណ្តំ ពីម្ចាស់រោងចក្របារី ខាលើនេះអស់ហើយមើលទៅ?។

ប្រជាពលរដ្ឋបាននាំគ្នាបន្តទៀតថា«រហូតមកដល់ពេលនេះ មានរយៈពេលរាប់ឆ្នាំ មកហើយ ដែលប្រជាពលរដ្ឋរស់នៅ ក្នុងការស៊ូទ្រាំ នឹងក្លិន ដែលបានសាយភាយចេញពីរោងចក្របារី មួយកន្លែង ដែលគ្មានផ្លាកយីហោច្បាស់លាស់ មួយនេះ»។
ប្រជាពលរដ្ឋដ៌ដែលបានបន្ថែមទៀតថា ជុំវិញករណីនេះ ប្រជាពលរដ្ឋក៏ធ្លាប់បានធ្វើការរាយការណ៍ ជូនចៅសង្កាត់សិត្បូ រួចហើយដែរ តែហាក់គ្មានការអើពើ និងចាត់វិធានការណាមួយ ទាល់តែសោះ៕

ដោយឡែកចៅហ្វាយក្រុងតាខ្មៅលោក ឃឹម សំភារនិងលោក ពៅ សោមាណាក់ ប្រធានមន្ទីបរិស្ថានខេត្តកណ្តាល ធ្លាប់បានប្រាប់(សាន់ដេ)តាមទូរស័ព្ទថា ចំពោះករណីរោងចក្របារីខាងលើ ដែលបង្ករការផលប៉ះពាល់ដល់ប្រជាពលរដ្ឋខាងលើនេះ លោកមិនទាន់ទទួលបានព័ត៌មានជាលាក់នៅឡើយនោះទេ?លោកនិងអោយមន្ត្រីក្រោមឱវាទចុះមកត្រួតពិនិត្យដើម្បីមានវិធានការ។ពាក់ព័ន្ធនិងករណីខាងលើនេះមហាជនក៌ដូចជាអង្គភាពគេហទំព័រ(សាន់ដេ)នៅមិនទាន់ឃើញចំណាត់ ការចុះបង្ក្រាប ឬចាត់វិធានការណ៌តាមផ្លូវច្បាប់នៅឡើយនោះទេ?ពីសំណាក់លោក ឃឹមសំភារ ចៅហ្វាយក្រុងតាខ្មៅនិងលោក ពៅ សោមាណាក់ ប្រធានមន្ទីបរិស្ថានខេត្តកណ្តាល។

បុគ្គលម្នាក់ឈ្មោះ(អៀង)ទំនងជាម្ចាស់ ឬអ្នកមើលការខុសត្រូវ នៅក្នុងរោងចក្របារីខាងលើ នេះមិនបានបញ្ជាក់ពីផលប៉ះពាល់ដល់សុខភាពរបស់ប្រជាពលរដ្ឋនៅក្នុងមូលដ្ឋានខាងលើ និងពីករណីរោងចក្របារីមានច្បាប់ឬគ្មានច្បាប់នោះទេ?តាមទូរស័ព្ទលេខ0885773298(ពោល)គឺបុគ្គលឈ្មោះ(អៀង)សូមណាត់ជួបម្ចាស់អង្គភាពគេហទំព័រ(សាន់ដេ)វេលាម៉ោង១០ព្រឹក ថ្ងៃទី០៧ខែវិច្ឆិកាឆ្នាំ២០២៣ ប៉ុន្តែម្ចាស់គេហទំព័រ(សាន់ដេ)សូមបដិសេធក្នុងការសុំជួបរបស់បុគ្គលឈ្មោះ(អៀង)។

ប្រជាពលរដ្ឋ រស់នៅក្នុងភូមិព្រែកតាព្រីង សង្កាត់សិត្បូ ក្រុងតាខ្មៅ ខេត្តកណ្ដាល បានសំណូមពរដល់លោកគង់ សោភ័ណ្ឌ ចៅហ្វាយខេត្តកណ្តាល ពិសេសលោកអ៊ាង សុផ ល្លែត រដ្ឋមន្ត្រីក្រសួងបរិស្ថាន សូមមេត្តាជួយចាត់វិធានការតាមផ្លូវច្បាប់ ចំពោះរោងចក្របារីខាងលើនេះ ផង ដែលកំពុងតែបង្ករការប៉ះពាល់បរិស្ថាន និងសុខភាពជាចំបងរបស់ប្រជាពលរដ្ឋ។(ពោល) អនុវត្តន៌ តាមយុទ្ធចតុកោណរបស់រាជរដ្ឋាភិបាលកម្ពុជានៅក្នុងអាណត្តិទី៧នេះ។